Ако вашата јакна е од квалитетна кожа, тоа е скапо парче облека за чие одржување можете да потрошите богатство.
Имено, не можете јакната туку така да ја ставите во машината за перење и да се испере. Но, не морате ниту да ја носите на хемиско чистење. Кожната јакна можете да ја исчистите со мешање на малку топла вода и детергент за перење садови.
Натопете мека крпа во оваа течност, исцедете ја и потоа избришете ја јакната.
Иако оваа техника е многу едноставна, морате да знаете дека кожата е многу чувствителна и дека никогаш не смеете силно да ја триете бидејќи ќе го оштетите површинскиот слој.
Исто така, никогаш не користете белило за чистење кожа бидејќи може да стане премногу сува, па дури и да почне да пука.
Немојте да користите премногу вода бидејќи кожата ќе ја апсорбира и може да остави грда флека.
Пред перењето секогаш проверувајте ја етикетата за тоа како е препорачано да се чисти кожната јакна и секогаш прво на мал внатрешен дел од јакната тестирајте ја техниката на чистење.
За да ги исчистите дамките на вашата кожна јакна, користете ги следниве состојки:
Нанесете мала количина паста за заби на дамката. Земете мека крпа и нежно тријте додека дамката не исчезне. Немојте предолго да тиете бидејќи можете да го оштетите површинскиот слој на кожата. Со чиста и влажна крпа отстранете го остатокот од паста од јакната.
Ако на јакната се стационирала габа, измешајте малку медицински алкохол и вода во сооднос 1:1. Натопете крпа и добро исцедете ја, а потоа избришете ја областа со габа. Повторно избришете го истото место, но со друга влажна крпа.
Потоа нанесете соодветен балсам за кожа за да спречите сушење и пукање на кожата, а тоа ќе ја направи и малку поотпорна на идни флеки.
Ако траков производ немате при рака, направете го сами. Измешајте оцет и ленено масло во размер 1:2. Нанесете на јакната и почекајте 15 минути, а потоа избришете со чиста крпа додека не заблиска.
Дамките од маснотии и пот на кожната јакна може да се извадат со сода бикарбона. Нежто истријте ја дамката со влажна крпа. Оставете да отстои преку ноќ, а потоа избришете ја со мека крпа и исушете ја со хартиена крпа.
Ослободете се од дамките мастило на кожната јакна со помош на ацетон за нокти кој ќе го нанесете на чепкалка за уши. Немојте да ја триете дамката бидејќи мастилото може да се прошири на јакната. Внимателно притиснете ја чепкалката на дамката, а потоа избришете прво со чиста и влажна крпа, а потоа со сува.