Австралиска фарма постави нов рекорд откако одгледа боровинка со големина на топче за пинг-понг.
Боровинката е набрана во ноември и ставена во фрижидер, широка е речиси 4 сантиметри и тежи 20,4 грама, околу 10 пати повеќе од просекот.
Рекордот претходно припаѓаше на боровинка тешка 16,2 грама и одгледана во Западна Австралија.
Сегашниот рекорд беше поставен со нова сорта развиена од компанијата Costa Group за да се задоволи побарувачката на потрошувачите за поголеми бобинки боровинки. Хортикултуристот Бред Хокинг изјави дека сортата Етерна дава огромни плодови и дека неговиот тим претходно забележал ветувачки бобинки, но дека сите биле целосно изненадени при мерењата.
„Дури кога ги ставивме на вагата сфативме што најдовме. Рекордната бобинка е бла особено голема, но тоа утро избравме уште 20 за кои верувавме дека може да го соборат стариот светски рекорд“, рече Хокинг.
Неговата боровинка е официјално наведена како Гинисов рекорд за најтешката боровинка досега документирана.
Иако е примамливо, Хокинг и неговиот тим никогаш нема да знаат каков вкус има оваа боровинка која соборува рекорд затоа што има намера да ја зачува, но сѐ уште не е решено како.
Сепак, познато е дека и покрај тоа што се поголеми, боровинките Етерна немаат полош вкус.
