Португалскиот напаѓач Кристијано Роналдо е избран во најлошата петорка на СП во Катар. Неговата репрезентација испадна во четвртфиналето од Мароко, а Роналдо на последните два натпревари беше на клупа, што е преседан во неговата кариера во репрезентацијата.
Во Катар даде само еден гол, против Гана во групната фаза на натпреварувањето. Ова Светско најверојатно му е последно во кариерата. На следното кога ќе се игра ќе има 41 година. Сепак, Роналдо останува рекордер по настапи (196) и реализирани голови (118) за Португалија.
Најлоша постава на СП: Менди (Сенегал) - Глик (Полска), Диало (Сенегал), Дест (САД), Березински (Полска) – Ирвин (Австралија), Леки (Австралија) – Роналдо (Португалија), Лаутаро (Аргентина).
Покрај Кристијано Роналдо, најпознат играч на листава е Лаутаро Мартинес. Аргентинскиот напаѓач пред СП беше еден од главните кандидати за Златна копачка, но не даде ниту еден гол, ниту асистираше.
Најлош голман беше Едуард Менди. Иако Сенегал се пласираше во осминафиналето на СП, Менди прими седум гола, на секој натпревар по еден. Не му помогна ни колегата од одбрана, Диало.
Полското дуо Глик-Березински исто така е во најлошата одбрана на првенството, а ги дополнува и Дест.
Работата лоша си ја извршија и Ирвин од Австралија, како и Хванг од Јужна Кореја.