Пијалаците, исто како и храната, имаат важна улога во здравјето на организмот и влијаат на тежината, здравјето на срцето, црниот дроб, менталното здравје и физичката подготвеност.
Кои навики треба да ги избегнувате, а се најлоши за вашето тело?
Редовно претерување со алкохол
Досегашните студии покажаа поврзаност меѓу пиењето алкохол и проблеми со здравјето. Ако пиете големи количини алкохол, на удар е скоро секој дел од телото. Се зголемува ризикот од висок крвен притисок, срцеви заболувања, дигестивни проблеми, ризик од канцер, ослабен имунолошки систем, проблеми со меморијата и менталното здравје, пишува CDC.
Нема ништо лошо во умереното уживање во коктел, пиво или вино, но пет или повеќе алкохолни пијалаци одеднаш се сметаат за тешко опивање.
Претерување со кофеин
Честата консумација на кафе и енергетски пијалаци го повишуваат пулсот и го тераат срцето да работи посилно отколку што е потребно. Ако сакате кафе, обрнете внимание на знаците дека пиете премногу – забрзана работа на срцето, несоница, нервоза, зголемено потење и слично.
Не пиете доволно вода
Консумирањето вода е клучно за функционирање на организмот, редовното пиење вода го намалува ризикот од многу болести на црниот дроб.
Пијалаци со висок процент на маснотии
Пијалаците со висок процент на маснотии се однесуваат главно на млечните напитоци, а можат да доведат до ризик од срцеви болести. Некои студии покажаа дека големото внесување млечни производи го зголемува нивото на холестерол во крвта, пишува Eat This, Not That.
