Ривалството понекогаш знае да биде и инспиративно, особено кога е време на празници кога секогаш присутно е одличното расположение. Така, еден од најлегендарните моменти се случи во 2016 година кога Burger King за Ноќта на вештерките се маскираше во својот голем ривал McDonald's.
Популарниот ресторан за брза храна во њујоршкиот кварт Квинс за празникот кој традиционално се слави на 31 октомври осамна прекриен со платно на кое со натпис беше назначено „McDonald's“.
Објектот изгледаше како џиновски дух со големи очи и жолти веѓи.
Сепак, со напишаното потоа дадоа навестување кој всушност се крие под оваа маска.
„Бууууу! Само се шалевме, сѐ уште ги печеме хамбургерите на оган. Среќна Ноќ на вештерките“, стоеше на пораката кога ја добиваа потрошувачите кога ќе ја отвореа кутијата од својата нарачка.
Фотографиите од генијалниот потег и денес се хит на интернет, а бројни корисници кои тек сега го гледаат ова се воодушевуваат иако е веќе 7 години стара шега.
Иначе, ова не е прв пат Burger King да го исмева својот најголем ривал. Една година претходно, во 2015, ланецот за хамбургери побара од McDonald's да ги здружат силите за да биде создаден The McWhopper - хамбургер во знак на Светскиот ден на мирот.
Burger King објави реклами во New York Times и Chicago Tribune, а дури направи и веб-страница за идејата. Но, нивниот труд беше безуспешен бидејќи извршниот директор на McDonald's, Стив Истрбрук, ја одби идејата.
Исто така, во април истата година официјалниот Twitter профил на Burger King беше хакиран. Сомневањата дека зад нападот стои McDonald's се појавија откако профилот почна да твита дека McDonald's го купил Burger King.
McDonald's ги отфрли обвинувањата, а подоцна претпоставките велеа дека хакирањето е дело на познатата хакерска група Anonymous.
