Витнум е гратче во Австралија кое е наречено најопасно во светот затоа што само вдишување на воздухот во него е доволно да ве убие, поради што е напуштено и избришано од мапите.
Австралиските власти го избришаа Витнум од мапата во обид да ги одвратат потенцијалните туристи да одат таму. Последниот жител на градот се откажа од борбата за престој во мај годинава, а тоа е место каде во својот врв живееле неколку илјади луѓе.
До 2015 година ги имаше само шестмина, а до минатата година остана само 80-годишната Лорејн Томас.
Некогаш раздвижениот рударски град во регионот Пилбара е всушност смртоносен и се наоѓа на средината на најголемата контаминирана локација на јужната хемисфера.
За време на врвот на развојот во 1930-тите, илјадници луѓе живееле таму. Земјата во Витнум била богата со син азбест и многу Австралијци се преселиле таму за да најдат работа во рудниците.
@nightmarefuelfromaus #australia #straya #wittenoom #abandonedplaces #dangerousplaces #nightmarefuel #foryou #fyp ♬ Get You The Moon - Kina
Во наредните три децении бил град со рударството во срце - но, овој начин на живот всушност го убивал локалното население. Рудниците на крајот се затвориле во 1996 година бидејќи повеќе не се заработувало доволно пари, меѓутоа, човечкиот трошок далеку ја надминал секоја загуба на профит.
Повеќе од 2.000 работници и жители загинале од вдишување на смртоносните сини азбестни влакна. Воздухот и денес е токсичен, принудувајќи ја владата да урива згради, да ги затвора депониите за отпад од рудниците и целосно да го затвори градот. И покрај напорите за чистење, останати се 3 милиони тони отпад од азбест.
Земјата никогаш нема да биде безбедна за живеење на луѓе поради постојаниот ризик од азбестоза - но, некои луѓе не можат да одолеат на посетата. Таков е случајот со бројните тиктокери кои решија да го посетат ова напуштено место.
@aujerpn This place was eerie 😳 #wittenoom #ghosttown #westernaustralia #pilbara #fifo ♬ Heat Waves - Diplo Remix - Glass Animals
Градот бил именуван во чест на Френк Витнум, австралиски истражувач кој прв ги истражил северозападните области на Западна Австралија.
