О Јеонг Су е 78-годишен актер најпрепознатлив по улогата во телевизиската серија „Squid Game“, за која освои Златен глобус и Еми награда за најдобра споредна машка улога.
Актерот е обвинет за сексуално вознемирување од жена која тврди дека пред пет години непримерно ја допирал по телото. Таа инцидентот го пријавила во декември, минатата година, но пријавата била отфрлена во април годинава.
Сепак, случајот повторно е отворен по барање на оштетената. О Јеон Су во петокот бил одведен на разговор со обвинителите, но не е приведен.
Во официјално соопштение кое актерот го испрати до јужнокорејската телевизиска станица JTBC стои:
„Само ја држев за рака за да ѝ покажам по кој пат да оди околу езерото. Се извинувам, затоа што таа рече дека нема да прави проблеми околу тоа, но тоа не значи дека го признавам делото за кое ме обвинуваат“.
Од судот во градот Сувон официјално е соопштено дека сè што објавија локалните медиуми за овој случај воопшто не е точно. Како резултат на аферата, Министерството за култура на Јужна Кореја ја повлече владината реклама со О Јеонг Су.
Актерот е роден во 1944 година во Северна Кореја, но со родителите се преселил во Јужна Кореја. Во 1967 година почнал професионално да глуми во театар Пред десет години изјави глумел во над 200 театарски претстави.
Во серијата „Squid Game“ која се прикажува на Netflix, О Јеонг Су го игра најстариот ученик во играта за преживување.