Месото спаѓа во групата храна што претставува основа на извори на високо квалитетни протеини, минерали како железо, фосфор, сулфур и магнезиум и витамини.
Иако посното месо претставува основа на протеинска исхрана, секој вид месо содржи заситени масни киселини, кои ја зголемуваат концентрацијата на холестерол во крвта и можат да доведат до здравствени проблеми, најчесто поврзани со срцето и крвните садови.
Од сите видови месо, свинското месо содржи највисоки количини на витамин Б1, кој е важен за правилно варење на јаглехидратите и правилно функционирање на нервниот систем. Сепак, свинското месо треба да се консумира само повремено затоа што спаѓа во групата на црвено месо, што значи - големи количини маснотии!
Свинското месо се консумира во нашата земја во релативно големи количини во споредба со другите видови месо, поради неговиот пријатен вкус, лесното подготвување, хранливата вредност и особено поради навиките, иако во другите делови од светот е помалку ценето од говедското месо. Повеќе се троши во зима, а помалку во лето. Нешто потешко се вари поради содржината на маснотии.
Ако сте љубител на месо, сте подготвиле и сте јаделе свински кременадли безброј пати. Сепак, се чини нема диверзитет во подготовката на ова јадење, а како што забележува и популарниот готвач Џејми Оливер, најчестата забелешка е дека месото од кременадла може да се исуши многу во процесот на готвење.
Затоа тој го споделува неговиот рецепт со кој тврди дека ќе направите сочни и вкусни свински кременадли.