Како да направите здрав и вкусен путер од кикирики, идеален за десерти?
Путерот од кикирики одамна е популарен во светот, а Американските најмногу сакаат да го јадат намачкан на парче леб со џем. Иако звучи како чудна комбинација, тоа е всушност многу практичен и вкусен појадок.
Путерот е здрав и често се користи како замена за млечниот путер и маргаринот, кога се прават колачи или торти.
Потребни состојки за подготовка на домашен путер од кикирики:
-450 г сирови кикирики
-сол
Начин на подготовка:
Испечете ги кикириките на плех, на температура од 175 степени околу 12 минути. Замотајте ги кикириките во крпа и силно тријте за да ги отстраните лушпите. Оставете да се оладат, па ставете ги во блендер, посолете и блендирајте додека не се добие глатка и кремаста смеса.
Паузирајте по потреба, додека се формира смесата, целиот процес трае околу 5 до 15 минути, во зависност од блендерот.
Добиената смеса ставете ја во сад кој може херметички да се затвори и чувајте го во фрижидер.
