Астероид голем колку облакодер денеска ќе помине на 2,7 милиони километри од Земјата.
„Но, не грижете се бидејќи шансите да не удри астероид се многу мали“, пишува The Guardian.
Центарот на НАСА за проучување на објекти блиску до Земјата проценува дека астероидот е широк помеѓу 210 и 480 метри. Ова значи дека астероидот би можел да биде сличен по големина на Емпаер Стејт Билдинг во Њујорк или Кулата Вилис во Чикаго.
Откриен во 2008 година, астероидот е означен како 2008 OS7. Нема да ни се врати до 2032 година, кога ќе биде многу подалечна средба бидејќи тогаш ќе биде на повеќе од 72 милиона километри од Земјата.
Безопасното прелетување е едно од неколкуте прелетувања на астероиди оваа недела. И три многу помали астероиди денеска безопасно ќе прозујат покрај Земјата. Овие астероиди немаат дијаметар поголем од 10 метри. Два астероида ќе поминат покрај Земјата во сабота, додека астероид со големина половина од 2008 OS7 ќе го направи тоа в недела.