Американската вселенска агенција НАСА формираше независен истражувачки тим кој денес започнува да истражува мистериозни неидентификувани летечки објекти.
Истражувањето ќе трае 9 месеци и ќе ги постави основите за идните истражувања за природата на НЛО. Главната цел на групата е да препорача пат за анализа на податоците за потенцијалните НЛО, фокусирајќи се исклучиво на некласифицирани податоци. По завршувањето на истражувањето, целосниот извештај ќе ѝ биде објавен на јавноста кон средината на 2023 година.
„Разбирањето на податоците што ги имаме за НЛО е од клучно значење за да ни помогне да извлечеме научни заклучоци за тоа што се случува на нашето небо. Податоците се јазикот на научниците и го прават необјаснивото објаснето“, рече Томас Зурбухен, соработник администратор при Дирекцијата за научни мисии во седиштето на НАСА во Вашингтон.
Службеник на НАСА задолжен за спроведување на истражувањето е Дениел Еванс.
„НАСА собра некои од водечките светски научници и експерти и тие ќе ни кажат како да ги фокусираме науката и податоците на НЛО“, рече Еванс.