Астрономите на НАСА открија неочекуван сигнал кој доаѓа надвор од нашата галаксија и кој не можат да го објаснат.
Научниците анализирале податоци што вселенскиот телескоп Fermi со гама-зраци ги праќа 13години и забележале мистериозен сигнал.
„Не го очекувавме тоа. Сè уште не можеме да објасниме“, рече Френсис Реди од институтот на НАСА Goddard Space Flight Center.
Моќниот телескоп може да детектира гама зраци - огромни изливи на енергија илјадници до стотици милијарди пати посилни од она што можеме да го видиме со голо око. Ваквите „сигнали“ се јавуваат кога ѕвезди експлодираат или за време на нуклеарна експлозија. При прегледот на податоците, експертите наишле на сосема поинаков сигнал од оној што го барале, пишува Business Insider.
„Тоа е сосема случајно откритие. Најдовме многу посилен сигнал, и тоа на различен дел од небото“, вели Александар Кашлински, космолог од Универзитетот во Мериленд. Астрономите всушност бараа една од најстарите карактеристики на гама-зраците, позната cosmic microwave background, CMB), која го исполнува целиот космос како остаток од раната фаза на развојот на универзумот.
Наместо тоа, научниците открија сигнал кој доаѓа од слична насока и со речиси идентична големина на некои од најенергичните космички честички некогаш откриени.
„Најдовме дипол на гама-зраци, но неговиот врв е на јужното небо, далеку од CMB, а неговата магнитуда е 10 пати поголема од она што би го очекувале“, вели Крис Шрејдер, астрофизичар од институтот Goddard Space Flight Center..
Експертите веруваат дека ова откритие би можело да биде поврзано со карактеристиката на космичката гама-зраци, која беше пронајдена во 2017 година од опсерваторијата Pierre Auger во Аргентина. Тие претпоставуваат дека овие два феномени би можеле да потекнуваат од еден неидентификуван извор со оглед на нивната слична структура. Тие се надеваат дека наскоро ќе можат да го лоцираат мистериозниот извор или да развијат алтернативни објаснувања за двата феномени.
Истражувањето Probing the Dipole of the Diffuse Gamma-Ray Background беше објавено во списанието Astrophysical Journal Letters.
