Американската вселенска агенција НАСА ќе се здружи со поголеми сектори кои го користат потенцијалот на метаверс за создавање на VR сценарија за мисии на Марс.
Интересот за колонизација на Марс е зголемен, се наближува рокот кога компанијата SpaceX ќе испрати луѓе на Црвената планета, а НАСА работи на тоа што подобро да ги подготви астронаутите за опстанок на Марс.
Минатата година се зборуваше за тоа дека НАСА сака луѓето да минат време во „марсовско живеалиште“ креирано на Земјата за да учат за влијанијата на продолжениот престој во вонземска средина. Но, со оглед на фактот што не можат баш сите симулации да се извршат во реалниот живот, вселенската агенција решение ќе најде во метаверс.
Затоа, НАСА креира пет категории на Марсовски симулации како што се Set Up Camp, Scientific Research, Maintenance, Exploration и Blow Our Minds.. Последното е фокусирано на креативност и може да се користи за смислување најбизарни сценарија.
Потребно е пријавите да се извршат во рок од 80 дена, а за секоја категорија постојат до 4 награди. Предизвикот е отворен за сите кои сакаат да учествуваат.
Со користење на Unreal Engine, луѓето ќе настојуваат да изградат свои искуства кои ќе се користат во Mars XR Operations Support System.
Ова опкружување веќе има свет со терен како Марс, реалистично време, циклуси ден-ноќ. Гравитација како на Марс и слични содржини. Уникатните искуства ќе се градат на платформата, а на предизвикот се приклучија повеќе од 150 тимови од целиот свет.
