Американската вселенска агенција НАСА успешно го изврши тестирањето на најмоќната ракета во светот, Space Launch System или SLS.
Ракетните мотори работеа подолго од 8 минути, симулираното време потребно за ракетата да стигне од земјата во вселената. Ова е второ тестирање од ваков тип.
Експертите го тестираа главниот мотор на ракетата. SLS се состои од јадро со четири силни RS-25 мотори. Пред почетокот на тестирањето, инженерите го наполниле главниот мотор со повеќе од 2.6 милиони литри гориво кое се состои од течен водород и од течен кислород.
RS-25 моторите се производ на компанијата Aerojet Rocketdyne од Калифорнија. Јадрото користено во текот на вчерашното тестирање ќе се користи за првиот лет на SLS, закажан за крајот на годинава.
Ракетата SLS е дизајнирана за патување на Месечината, првпат од 1972 година. Таа е дел од мисијата Artemis, почната од поранешниот американски претседател Донал Трамп, во 2017 година.
Тестирањето се изврши во Вселенскиот центар Стенис во Мисисипи.
