Македонец од далечната Австралија донираше за нова спортска опрема за второлигашот Тиквеш од Кавадарци целосно облекувајќи го во ново руво овој клуб.
Ник Атанасов од Мелбурн донираше парични средства за набавка на нова спортска опрема во боите на Тиквеш и тоа од брендот JAKO кој ја облекува и македонската репрезентација.
Кавадаречкиот тим веќе се пофали со фотка од играчите во новата опрема која е наменета за тренинзи.
Тиквеш и оваа сезона ќе биде дел од Втората лига Исток каде ќе атакува на местата за пласман во Првата лига, сон кој за кавадарчаните трае одамна, уште од сезоната 2003/04 кога последен пат беше дел од Првата лига.
Фото: ГФК Тиквеш Кавадарци
