Претстојните смартфони од серијата Huawei P50 ќе бидат први кои на пазарот ќе се појават со инсталиран оперативен систем Harmony.
На социјалната мрежа Weibo е објавено дека е завршен тест-периодот на оперативниот систем HarmonyOS 2.0 Beta 2 и сега е во тек тестирањето на Beta 3.
Oва нема да биде првиот мобилен телефон кој ќе го користи оперативниот систем на Huawei бидејќи го користат некои стари смартфони. P50 серијата во целост ќе го „прескокне“ Android.
Што се однесува на претстојните уреди, од компанијата очекуваат дека HarmonyOS ќе го користат меѓу 300 и 400 милиони уреди.
Huawei подготви нови апликации: Petal Search е новиот пребарувач, а веќе постојат апликациите Petal Maps и Docs. Наскоро ќе претстават Petal Assistant, Petal тастатура и AR апликација Petal Vision.
