Научници идентификуваа антитела кои целат кон непроменетите делови на коронавирусот, кој и понатаму мутира и еволуира. Ова откритие претставува чекор напред и може да доведе до нов начини на лекување со цел да се неутрализира омикрон и останатите потенцијални нови соеви.
„Идентификувањето на такви широко неутрализирачки антитела на корона спајк протеинот, со чија помош вирусот влегува во човечките клетки, може да помогне во создавањето подобри вакцини и антитела кои ќе бидат поефикасни не само против омикрон, туку и против кој било сој“, изјави Дејвид Веслер од Универзитетот Вашингтон.
Тој смета дека ова откритие говори како со фокусирањето на антитела може да ја надмине континуираната еволуција на коронавирусот, пишува Индепендент.
„Ова откритие ни говори дека со фокусирањето на натитела кои целат кон одредени места на спајк протеинот може да најдеме начин да ја надминеме континуираната еволуција на коронавирусот“, наведе Веслер.
Досега, студиите покажаа дека омикрон има 37 мутации на спајк протеинот, што делумно објаснува зошто овој сој успеа толку брзо да се прошири и да ги зарази и ревакцинираните, како и оние кои прележале COVID-19.