Фудбалерите на Барселона го победија Наполи со 4:2 и со вкупни 5:3 се пласираа во осминафиналето на Лига Европа.
Во пресрет на натпреварот, фудбалерите на двата тима излегоа на теренот со транспарент со порака STOP WAR (Стоп за војната) и на тој начин кажаа што мислат за нападот на Русија врз Украина. Истата порака претходно беше забранета за навивачите на Наполи и конфискувана на влезот.
Пораката од стадионот „Диего Марадона“ не можеше да се види на телевизија, иако УЕФА претходно соопшти дека „ја споделуваат загриженоста на меѓународната заедница за безбедносната ситуација во Европа и најостро ја осудува актуелната руска воена инвазија на Украина“.
