Страницата Footy Headlines со години го објавува изгледот на новите дресови уште пред спортските брендови, па и овојпат прва го објави третиот дрес на Барселона за следната сезона.
Дресот ќе биде шарен, а доминантна боја ќе биде жолта. Графичкиот дизајн е инспириран од пет области на Барселона. Задниот дел на дресот и ракавите се еднобојни и жолти, а грбот на Барселона е во средината на дресот.
Повеќето навивачи се згрозени од изгледот на дресот и се надеваат дека дизајнот објавен од Footy Headlines не е конечниот во кој Барселона ќе одигра неколку натпревари следната сезона.
Претходно, на интернет се појави и првиот дрес на Барселона за следната сезона - во црвена и сина боја со вертикални линии.