Кристијано Роналдо сѐ уште не се појавил на тренинг на Манчестер Јунајтед, а зад сцената Португалецот се обидува да го раскине договорот.
Минатото лето Роналдо на големо се врати на „Олд Трафорд“. И покрај тоа што беше најдобар стрелец во клубот, тимот одигра катастрофална сезона, го освои разочарувачкото 6. место и во новата сезона ќе игра само во Лига Европа.
Португалецот се обидува да ја прекине последната година од договорот за да се пресели во клуб кој ќе игра во Лигата на шампионите, но тоа не е единствената причина поради која сака да го напушти Манчестер.
Имено, бидејќи тимот не се пласира во најважното европско клупско натпреварување, платите на играчите автоматски се намалени за 25%. Во случајот на Роналдо тоа значи пад од 480.000 фунти на 360.000 фунти.
