Не смеете да си играте со струја, а исклучително е важно сѐ да функционира како што треба. Впрочем, написите во весниците се преплавени со страшни вести, во кои по некој умира поради неисправни приклучоци, продолжни кабли и воопшто, проблеми со струја. Затоа е многу важно да реагирате навреме, доколку забележите дека се случува нешто необично. Без разлика дали мириса на изгорено во вашиот дом, сијалиците треперат без причина или често излергува осигурувачот или нешто друго, не двоумете се, повикајте професионалец, бидејќи одредени работи навистина можат да бидат опасни по живот за вас и вашето домаќинство. Ако се појави некој од овие проблеми, повикајте електричар што е можно поскоро.
Вообичаено е некои уреди да се загреваат додека се користат, но никогаш не е добар знак ако самиот штекер се загрева. Кога ќе се олабави приклучокот или штекерот, повеќе струја мора да помине низ приклучокот до уредот и таа зголемена моќност се претвора во отпадна топлина, што го прави штекерот жежок. Ако некогаш ви се случи ова, веднаш исклучете ги апаратите од струја и не користете ги повторно додека не се поправи штекерот.
Ако таванските светла се затемнуваат или треперат кога ја вклучувате микробрановата печка или правосмукалката, можеби го преоптоварувате електричното коло на вашиот дом. За да бидете сигурни, проверете ги жиците и прекинувачите во тој дел од домот.
Веројатно барем еднаш во животот ви се случило штекерот да се олабави, и да не е прицврстен за ѕид. Сепак, не треба да ги одложувате ваквите работи. Ако не се правилно монтирани, жиците може да се извлечат, што ќе резултира со изложени делови, искри и кратки споеви.
Алуминиумот во минатото се користел во голем број електрични инсталации, веројатно поради недостигот на бакар во средината на 60-тите години. На пример, бројни студии покажаа дека таквите инсталации претставуваат голема опасност, особено што почесто се случуваат пожари. Алуминиумскиот оксид може да се прегрее кога жицата е поврзана со терминалите. Затоа, секој „вишок на електрична енергија“ може да доведе до пожар.
Мирисот на изгорено никогаш не е добар знак. Дури ни кога печете колачи во рерна. Жиците не треба да станат толку жешки за да се стопи пластичната обвивка, но ако тоа се случи, мора веднаш да го идентификувате изворот за да спречите опасност од пожар.
Ако често треба да ги ресетирате осигурувачите, тоа може да биде знак дека колата се преоптоварени. Квалификуван лиценциран електричар може да ви помогне да го процените оптоварувањето на вашите прекинувачи и осигурувачи, за да можете да направите подобрувања во вашиот дом.
