Ако времето нѐ послужи, во септември ќе можеме различни небесни феномени да видиме од Земјата.
- 7 септември - Млада Месечина.
- 10 септември - Конјукција на Месечината и Венера во соѕвездието Девица. Месечината поминува 4°04′ северно од Венера. Магнитудите на Месечината и Венера се -10,4 и -4,1. Месечината е два дена стара.
- 11 септември - Астероидот 2 Палас ќе биде во поволна положба за набљудување во соѕвездието Риби. Ќе кулминира во 0:28 часот на височина од 44° над јужниот хоризонт. Ќе биде видлив од 20:33 и 4:20 часот. За набљудување е потребен телескоп бидејќи големината на астероидот ќе биде 8,6.
- 13 септември - Месечина ќе биде во првиот квартал.
- 13 септември - Меркур ќе го достигне најголемото источно издолжување од 26,8° со магнитуда од 0,1. Ќе можеме да го набудуваме по зајдисонце на вечерното небо ниско над западниот хоризонт. Меркуровата елонгација ќе се движи од 17°30′ до 27°45′. Овој опсег на издолжување се должи на многу издолжената орбита на Меркур. Елонгациите на Меркур се менуваат отпрулика на секои два месеца.
- 14 септември - Нептун ќе биде во опозиција во соѕвездието Водолија. Ќе се наоѓа на спротивната страна на Земјата од Сонцето. Ќе биде најблиску до Земјата отприлика во истото време. Ќе биде видлив од 21:02 до 4:07 часот и ќе кулминира во 0:37 часот на 40° над јужниот хоризонт. Поради магнитудата од 7,8 степени, ќе биде потребен подобар двоглед или телескоп за да се набљудува сината точка во окуларот.
- 17 септември - Конјукција на Месечината и Сатурн во соѕвездието Јарец. Месечината ќе помине на 3°45′ јужно од Сатурн. Магнитудите на Месечината и Сатурн се 12,5 и 0,2.
- 18 септември - Конјукција на Месечината и Јупитер во соѕвездието Јарец. Месечината ќе помине на 3°57′ јужно од Јупитер. Магнитудите на Месечината и Јупитер се -12,6 и -2,7. Јупитер ќе биде доста сјаен.
- 21 септември - Полна Месечина.
- 22 септември - Септемвриска рамноденица - почеток на есента - есенска рамноденица. Есента ќе започне во 21:21 часот.
- 24 септември - Средба на Месечината и Уран во соѕвездието Овен. Ќе се приближуваат само 1°14′ еден од друг. Магнитудата на Месечината ќе биде 12,4, додека Уран теоретски ќе биде видлив со голо око, но во пракса ќе биде потребен двоглед.
- 29 септември - Месечината ќе биде во последниот квартал.