Научници од Универзитетот во Флорида открија дека недостигот на интимност понекогаш може да ги направи луѓето депресивни.
Според резултатите од нивни истражувања, луѓето кои подолго време немале интимни односи стануваат нерасположени, а по некое време тоа лесно преминува во депресија.
Но, тоа не е единствениот проблем. Наведуваат дека тоа може да влијае на намалување на концентрацијата, па на крајот и на неисполнување на работните обврски, како и на зголемување на нивото на стрес и чувство на нервоза, пишува Prevention.
Со оглед на тоа што интимноста влијае и на нивото на различни хормони во организмот, недостигот на секс може да се одрази со проблеми со спиењето.
Психолозите наведуваат дека луѓето благодарение на редовната интимност со партнерот се чувствуваат позадоволни со самите себе, а недостигот може да влијае на нарушување на самодовербата.
Други истражувања покажаа дека редовниот секс е поврзан и со здравјето на срцето.
