Долго време се сметаше за еден од најромантичните симболи на љубовта, но се испостави дека всушност е многу отровнa и може да ви „даде“ прилично непријатни симптоми.
Имелата е зимзелено растение со бобинки, за кое се верува дека им носи среќа на оние што се бакнуваат под неа. Но, како што предупредуваат експертите за билки и лекарите, ова растение има така малку злобна страна.
И покрај нејзината романтична репутација, имелата е всушност отровна за луѓето, предупредуваат ботаничарите ширум светот.
Содржи токсична супстанција наречена форатоксин, која е особено концентрирана во листовите. Најдобро би било да не внесувате имела во вашиот дом, а доколку сепак се одлучите да си украсите со ова растение, убавата, но опасна декорација држете ја што подалеку од домашните миленици и децата. И од себеси, се разбира.
Ова предупредување се повторува и на веродостојниот сајт LoveTheGarden, кој објаснува дека сите делови од растението се всушност токсични – бобинките, стеблото и листовите.
„Покрај форатоксин, растението имела содржи и вискотоксин, кои се отровни протеини кога се внесуваат. Внимавајте, од над 1.500 видови имела во светот, некои се потоксични од другите. Веројатно ќе имате посериозни реакции ако проголтате бела бобинка отколку ако пиете чај направен од лисјата, но дури и во овој случај, непријатните симптоми може да се движат од благи до многу тешки“, пишува LoveTheGarden.
Можни симптоми вклучуваат заматен вид, поспаност, треска, халуцинации, болки во стомакот, гадење, повраќање, дијареа, но и бавен пулс и други проблеми во кардиоваскуларниот систем.
Веб-страницата за градинарство известува дека исто така е „познато дека предизвикува спонтан абортус кај бремени жени“, но не објави медицински докази за да го поддржи тоа тврдење.
Се додава дека реакцијата на детето веројатно ќе биде „посериозна“ отколку ако возрасен ги изел бобинките, па затоа е императив да се побара лекарска помош што е можно поскоро.
Имелата ги има истите ефекти врз домашните миленици, а бидејќи може да остави многу посериозни последици - веднаш побарајте помош од ветеринар ако мислите дека вашето домашно милениче изело бобинка или каснало од лисјата. Ова подеднакво важи и за кучињата и за мачките, како и за другите домашни миленици со кои се дружите во вашиот дом.
„Општиот совет за да се избегне ризикот од труење со имела би бил да не го внесувате растението во домот, односно да го држите подалеку од деца и животни“, додава LoveTheGarden.
А, доколку веќе сте го внеле во вашиот дом, отстранете ги сите бобинки од празничната декорација и поставете го на висина која не може лесно да се достигне.
