Рускиот претседател Владимир Путин пристигна во нова неочекувана посета, овој пат во Херсон.
Како што јави ТАСС, Путин го посетил штабот на воената група Днепар во правец на Херсон.
Путин ги слушаше извештаите на командантот на воената група Днепар, генерал-полковник Олег Макаревич, командантот на Воено-десантните сили, генерал-полковник Михаило Теплински и други воени водачи.
„Не сакам да ве оттргнам од директните должности поврзани со управувањето и командувањето, па тука сме работно, кратко, но конкретно. За мене е важно да го слушнам вашето мислење за развојот на ситуацијата, да ве слушнам, да разменуваме информации“, рече Путин.
Да потсетиме, Путин на крајот на март беше во непланирана посета на Мариупол. Тоа беше прво патување на лидерот на Кремљ на териториите на украинската област Донецк под руска окупација од почетокот на војната.
Мариупол, кој падна во рацете на Русија во мај по една од најдолгите и најкрвавите битки во војната, беше првата голема победа на Русија откако не успеа да го освои Киев, а потоа го сврте вниманието кон југоисточна Украина.
Возејќи со автомобил, Путин посети неколку градски области, застанувајќи и разговарајќи со жителите.
