Netflix со трејлер го најави излегувањето на документарниот филм во кој главен фокус ќе бидат животот и кариерата на американскиот рапер Ноториус Би-ај-џи, познат како Биги Смолс.
Филмот „Biggie: I Got a Story to Tell“ ќе ја одбележи 24-годишнината од смртта на познатиот рапер кој наместо со вистинското име Кристофер Валас ќе биде запаметен како Ноториус Би-ај-џи.
Прикажувањето на Netflix платформата е закажано за 1 март. Според тоа што е наведено, дејството се одвива околу животот на Биги пред кариерата како рапер и неговиот подем во музичката индустрија.
„Секоја легенда има свое потекло“, стои во описот на најавата, а во филмот ќе видиме многу познати лица од рап музиката и времето во кое живееше Биги.
„Кристофер Валас или Ноториус Би-ај-џи и понатаму една од хип-хоп иконите, остана препознатлив по автобиографските текстови. Овој документарец го слави неговиот живот и наследството што го остави низ ретки снимки зад сцената и сведоштва на бројни пријатели и роднини“, наведоа од Netflix.
Биги беше убиен во 1997 година во Лос Анџелес, откако присуствуваше на промоција на албумот „Life After Death“. На пат кон хотелот беше пукано во него и тој почина на 24-годишна возраст.
