Netflix ги објави новите покачувања на цените во своето последно писмо до инвеститорите.
„Како што го подобруваме Netflix, повремено ќе бараме од нашите корисници да платат малку повеќе за да го оправдаат овој напредок, што пак ќе донесе нови инвестиции и подобрувања на нашите услуги“, велат од компанијата.
Netflix лансираше верзија со реклами во ноември 2022 година, а попатно почна да се бори со споделувањето лозинки.
На почетокот на месецов објавија дека имаат 23 милиони активни корисници во сегментот со реклами, што според прогнозите на експертите е меѓу 12 и 15 милиони претплатници.
Инаку, Netflix има повеќе од 260 милиони претплатници ширум светот, а цената за сегментот со реклами во САД чини 6,99 долари и не е зголемена откако е воведен.
Netflix во писмото до инвеститорите не наведува колку планира да ги зголеми цените ниту за кои региони се однесува, па прашање е дали ќе важи и за Македонија. Во секој случај, можно е во секој момент да се воведе поскапување и за овој регион, штом ќе „тргне возот“.