Австралискиот тенисер Ник Кирјос објави дека е позитивен на коронавирус и поради тоа нема да игра на АТП турнирот во Сиднеј.
„Сакам да бидам отворен и транспарентен со сите, причината поради која морам да се повлечам од турнирот во Сиднеј е тоа што сум позитивен на ковид. Моментално сум добро и немам симптоми“, напиша Кирјос на Instagram Story.
Пред неколку дена на Twitter му даде поддршка на Новак Ѓоковиќ и начинот на кој се одвива целата ситуација со него во Австралија.
Тој соопшти дека ако се биде како што треба, ќе учествува на Австралија Опен, кој почнува на 17 јануари.