Порано важеше за најбогатиот човек во светот, но Илон Маск остана без 200 милијарди долари во последните 13 месеци.
Минатата година Маск стана вториот човек во историјата кој успеал да стекне богатство од над 200 милијарди долари.
Сепак, сите ја почувствуваа економската криза, а со оглед на фактот дека голем дел од неговото богатство е поврзан со сопственоста на акциите на Tesla кои паднаа од 407 на 123 долари во последните 13 месеци, тоа значеше дека Маск мораше да се збогува со титулата најбогат човек во светот.
Сегашното богатство на Маск од 137 милијарди долари значи дека тој изгубил повеќе од 200 милијарди долари, што е прв пат во историјата да се случи толку голема загуба.
Многу инвеститори го обвинуваат Маск за падот на пазарната капитализација на Tesla, односно неговата преокупација со социјалната мрежа Twitter, што ја купи кон крајот на октомври, 2022 година.
Маск продаде дел од неговите акции на Tesla во вредност од речиси 40 милијарди долари во текот на изминатата година, и покрај тоа што претходно тврдеше дека нема да го стори тоа.
Распродажбата на акциите и падот на вредноста значеше дека акциите на SpaceX, што ги поседува тој, сега вредат повеќе од неговите акции во Tesla.