Николас Кејџ неодамна во едно интервју зборуваше за неговата кариера, а на прашањето за можноста да глуми во филмовите на Marvel, неговиот одговор изненади многумина.
Одговорот на актерот изненади многумина и предизвика бројни реакции на социјалните мрежи.
„Не треба да бидам во MCU, па јас сум Ник Кејџ“, рече тој.
Иако не чувствува потреба да стане суперхерој на Marvel, Кејџ сепак им одаде заслуги.
„Морам убаво да зборувам за филмовите на Marvel затоа што сепак се нареков по Лук Кејџ, ликот на Стен Ли. Стен Ли е мојот надреалистички татко. Јас разбирам која е причината за фрустрација. Но, мислам дека има доволно простор за сите. Гледам филмови како 'Tár', гледам разни видови уметнички и независни филмови. Мислам дека има доволно простор за секого“, објасни Кејџ.
Николас Кејџ му е уметничкото име, според ликот Лук Кејџ, додека вистинското му е Николас Копола.
Николас глуми во акциони филмови, напнати семејни драми, апсурдни филмови за вампири, па дури и во филм во кој играше фиктивна верзија на самиот себе, акционата комедија „The Unbearable Weight of Massive Talent“.
Во првите неколку години од својата кариера глумеше во разни филмови како „Valley Girl“ (1983), „Peggy Sue Got Married“ (1986), „Raising Arizona“ (1987), „Moonstruck“ (1987), „Wild at Heart“ (1990).
За време на овој период, John Willis's Screen World, Vol. 36 го наведе како еден од 12-те ветувачки нови актери од 1984 година. За неговата улога во филмот „Leaving Las Vegas“ (1995) го освои Оскарот за најдобар актер. Доби втора номинација за Оскар за улогата на Чарли и Доналд Кауфман во „Adaptation“ (2002).