Тројца научници ја добија Нобеловата награда за физика за 2023 година за нивната работа на електрони во блесоци на светлина.
Пјер Агостини, Ференц Краус и Ен Л'Хуилје ја делат наградата од 11 милиони шведски круни објавена во вторникот од Кралската шведска академија на науките во Стокхолм.
Овогодинешната награда е 117-та Нобелова награда за физика, која се доделува од 1901 година. Л'Хуилје е само петтата жена што ја добила наградата.
Нобеловиот комитет ја додели наградата за експериментални методи кои генерираат аттосекундни импулси на светлина за проучување на динамиката на електроните во материјата.
Комитетот рече дека тројцата физичари демонстрирале начин да создадат екстремно кратки импулси на светлина што може да се користат за мерење на брзите процеси во кои електроните се движат или менуваат енергија, давајќи му на човештвото нови алатки за истражување на светот на електроните во атомите и молекулите.
„Придонесите на лауреатите овозможија да се истражуваат процеси кои се толку брзи што претходно беше невозможно да се следат“, велат од комитетот.