„Норвешка од 1 ноември ќе ја стави армијата во готовност поради војната во Украина“, изјави денес норвешкиот премиер Јонас Гар Сторе на прес-конференција.
Норвешка сега е најголемиот извозник на природен гас во Европската Унија, обезбедувајќи околу една четвртина од европскиот увоз по намалувањето на протокот на руски гас.
„Ова е најсериозната безбедносна ситуација во последните неколку децении. Нема индикации дека Русија ја шири војната во други земји, но поради зголемените тензии, ние сме повеќе изложени на закани, разузнавачки операции и пропаганди“, рече премиерот Гар Сторе.
Норвешка распореди војска за да ги чува своите офшор платформи и објекти на копно по нападот на Северен поток на 26 септември и доби поддршка од британската, француската и германската морнарица.