Никола Јокиќ и Бојан Богдановиќ одиграа фантастични партии и ги предводеа своите тимови до победа на синоќешните натпревари од НБА лигата.
Денвер на домашен терен по продолжение го совлада Њу Орлеанс со резултат 138:130, а Јокиќ беше одлично расположен за игра завршувајчи го натпреварот со дури 46 поени, 12 скока и 11 асистенции.
Интересно, на почетокот на последната четвртина имаше само 16 поени, но кога беше најпотребно премина во поголема брзина и му донесе победа на својот тим.
Покрај овој одличен трипл-дабл, Јокиќ запиша 4 блока и 3 украдени топки со стана првиот играч во историјата на лигата кој постигнал најмалку 40 поени, 10 скока, 10 асистенции, 3 украдени топки и 3 блокади на еден натпревар.
Брендон Инграм, пак, за Њу Орлеанс постигна 38 поени.
Расположен за игра беше и Бојан Богдановиќ кој беше најзаслужен за победата на Јута на гости кај Оклахома Сити со 116:103.
Богдановиќ натпреварот го заврши со 35 поени, а погоди дури 11 тројки што е нов рекорд на Јута. Тој забележа и 5 скока и 3 асистенции.
Шеј Гилџес-Александер постигна 33 поени во редовите на поразениот тим.
Бостон Селтикс - Бруклин Нетс 126:120
Милвоки Бакс - Феникс Санс 132:122
Вашингтон Визардс - Индијана Пејсерс 133:123
Хјустон Рокитс - Мемфис Гризлис 123:112
Оклахома Сити Тандер - Јута Џез 103:116
Кливленд Кавалирс - Торонто Репторс 104:96
Денвер Нагетс - Њу Орлеанс Пеликанс 138:130 (прод.)
Лос Анџелес Клиперс - Њујорк Никс 93:116