Нема крај на проблемите во редовите на „Старата дама“. Откако Пол Погба беше обвинет за допинг, суспензија му се заканува на уште еден играч. Италијанските медиуми открија нова афера во Јувентус, наводно Николò Фаџоли се обложувал на нелегални платформи, што е забрането со италијанските закони.
Коцкањето не е кривично дело, забрането е обложување во обложувалници кои не се овластени од италијанската влада, а уште полошо, забрането е да се обложуваат професионални фудбалери, учесници на натпревари достапни за обложување.
Истрагата против Фаџоли ја покренал државниот обвинител Мануел Педрота, а играчот на Јувентус е под лупа веќе неколку месеци. Со постапката се запознаени и адвокатите на Јувентус, а сега останува да се утврди дали Фаџоли е виновен.
На само 22-годишна возраст Фаџоли на коцка ја става неговата кариера. Доколку биде прогласен за виновен би можел да биде суспендиран од професионалниот фудбал дури 3 години.
Инаку, оваа сезона играчот од средниот ред почна да добива сѐ повеќе шанси кај Макс Алегри, одигра 6 натпревари и забележа една асистенција во Серија А. Има и еден настап за репрезентацијата на Италија, лани, под Роберто Манчини.
