Македонскиот репрезентативен напаѓач новата 2024 година ја почна со нов клуб и нова, посилна лига.
Спартак од Трнава е веќе минато за Милан Ристовски кој отсега ќе ги брани боите за Бохемианс 1905 од чешкиот главен град Прага. По неполни 3 години во Трнава, Ристовски си замина оставајќи зад себе 113 натпревари во дресот на Спартак на кои постигна 21 гол, направи 5 асистенции, но заработи и 13 жолти картони.
Трансферот на 25-годишниот македонски репрезентативец го потврдија и двата клуба, но без да се спомнува сумата за отштета која Чесите ја платиле. Не се знае ниту должината на договорот, освен што потпишал „повеќегодишен договор“.
„Во Бохемка доаѓа репрезентативецот на Македонија Милан Ристовски. Трансфер од Спартак Трнава“, објави неговиот нов клуб која информираше и дека поради семејни причини Македонецот наредната недела ќе му се приклучи на клубот на тренинзи.
„Ристо, благодариме за сѐ“, кратко се зборуваше Спартак.
Чешката лига е доста поквалитетна од словачката, па овој трансфер е чекор напред за Ристовски. Но, тимот на Бохемианс досега негуваше стил на игра со само еден напаѓач, па останува да видиме дали помалиот брат на поранешниот македонски капитен ќе се избори за првотимски статус.
Ристовски за Македонија досег има собрано 22 натпревара и постигнато 4 гола.