Објавена е листата на најсреќните земји во светот за 2024 година, а оваа година Македонија напредуваше неколку места.
Додека Финска и Авганистан годинава се на прво и последно место, а во земјите од поранешна Југославија, најдобра ситуација има Словенија, каде се уште посреќни од лани и скокнаа од 22 на 21 место на листата.
Луѓето во Македонија се нешто посреќни од лани и од 87. место се искачивме на 84. место.
Босна и Херцеговина напредуваше и отиде од 71. на 65. место.
Во Србија, исто така, состојбата е забележливо подобра од 2023 година и од 45. место скокна на 37. место на листата.
Во Хрватска е забележан значителен пад на општата среќа на населението. Минатата година беа на 48. место, а во 2024 година се на 63. место на листата.
Црна Гора падна од 67. на 76. место.. Албанците паднаа од 83 на 87 место на листата.
Исто така, забележано е дека среќата на милениумците опаѓа секоја година. Спротивно на тоа, задоволството од животот кај бејби бумер популацијата се зголемува со возраста. Експертите велат дека податоците покажуваат и загрижувачки тренд дека помладите луѓе во Западна Европа и Северна Америка доживуваат еквивалент на „средовечна криза“.
Осум од првите десет најсреќни нации се во Европа, а Данска го зазема второто место со 7,58 поени, приближно исто колку што имаше минатата година. Третото место го освои Исланд. Топ 10 го заокружија Шведска, Израел, Холандија, Норвешка, Луксембург, Швајцарија и Австралија.
Овогодинешниот извештај е прв од почетокот на конфликтот меѓу Израел и Хамас во 2023 година. Израел и Палестина доживеаја пад на глобалното рангирање на среќата.
Целата листа на земји можете да ја погледнете на овој линк.