Навивачите на загрепски Динамо и натаму се наоѓаат во грчките затвори каде ја чекаат својата судбина за нередите кои неодамна се случија во Атина, а во меѓувреме се појави и нова теорија во врска со убиството на Михалис Кацурис.
Новото видео оди во прилог на оние што тврдат дека хрватските навивачи не носеле ножеви. Според новата теорија. Михалис бил несреќно ранет со нож од навивач на АЕК бидејќи токму овој хулиган во бордо маица е ставен во прв план на видеото објавено од грчката полиција.
Имено, тој трчал покрај Михалис откако заедно учествувале во пресметката со Бед Блу Бојс, која траела кратко проследена со фрлање молотови коктели, повеќето фрлени од домашните хулигани.
Потоа навивачите ан АЕК се вдале во бегство, а токму во тој момент дошло до претходно видениот детаљ кога некој со палка го удира Михалис по грбот. На напаѓачот се гледа бела трака, какви што користеле БББ за да се обележат пред нередите, но тој удар не бил кобен, како што велеше една од првите теории.
На најновата снимка во прв план е ставен домашен навивач во бордо маица кој во моментот на напад на хрватските навивачи бил покрај Михалис.
Грчките медиуми тврдат дека во десната рака има некаков предмет, можеби нож, и во тој момент додека трчале се гледа некаков контакт меѓу десната рака на човекот во бордо маица и левата рака на Михалис, на која се здоби со повреда од која набрзо до смрт искрвари во блискиот киоск.
И пред опишаниот момент човекот во бордо маица необично се однесува и се приметува како во нередите влегува со предмет замотан во нешто, а потоа го одмотува пред контактот со противничката група.
Иако со сигурност ништо не може да се тврди, снимката фрла нова слика на целиот настан и сѐ поочигледното несреќно ранување во непотребната пресметка која таа вечер се случи во Атина.