The Night Agent е нова хит-серија на Netflix која го достигна врвот на најгледаната листа на англиски јазик само неколку дена по објавувањето.
Серијата The Night Agent е базирана на истоимениот роман на Метју Квирк, а креатор е Шон Рајан. Достапна е на Netflix од 23 март, а за шест дена има повеќе од 168 часа гледање на стриминг платформата.
Според Netflix, ова е третата најдобра премиерна недела за серија според број на часови гледаност во првата сезона. Исто така, серијата е во топ 10 најпопуларни топ листи во 93 земји низ светот.
The Night Agent ја следи приказната на агент на ФБИ (Габриел Басо) кој работи во подрумот на Белата куќа. Тој има задача да управува со телефон кој никогаш не ѕвони - додека не заѕвони, ставајќи го во средината на далекусежна завера.
„Ми се допаѓа идејата за аутсајдер, некој што е најмалку важна личност на многу важно место, во овој случај, агент на ниско ниво на ФБИ кој работи во соба без прозорци во подрумот на Белата куќа“, рече Рајан за поткастот The Top 5 на The Hollywood Reporter.
„Сите околу него се поважни од него. Тој се пронаоѓа себеси во оваа работа и одеднаш, како во класичните филмови за Хичкок, тој е некој кој е обичен човек втурнат во извонредна ситуација“, додаде тој.
Wednesday продолжува да го држи првото место за најдобро деби на нова серија на платформата, откако во првата недела оствари неверојатни 341,23 милиони часови гледаност.
Втора серија на листата е Dahmer, која имаше 196,2 милиони часови гледаност во првата недела во септември. Сепак, треба да се напомене дека Netflix започна да објавува глобални топ 10 листи дури во јуни 2021 година, што значи дека првите сезони на блокбастер сериите како Stranger Things или Bridgerton не се вклучени во овие мерења.
