Серијата „Ginny & Georgia“ штотуку го сруши рекордот на Netflix што го држеше мегапопуларниот документарец „Tiger King“ скоро една година.
Имено, ниту една серија никогаш не доминирала во топ 10 листата на Netflix како „Ginny & Georgia“ во моментов. Оваа тинејџерска хумористична драма е на врвот на листата со најпопуларни содржини на Netflix 28 дена по ред, додека зад неа сега стои „Tiger King“, кој го држеше рекордот „само“ 27 дена.
„Ginny & Georgia“ може да стане најпопуларната серија на Netflix воопшто, но сè уште се чекаат официјалните бројки од компанијата, пишува Forbes.
Според досега достапните податоци, серијата е најгледаната серија на Netflix во најдолг временски период во најдолг временски период откако платформата почна да ја составува топ 10 листата.
Ова се сериите кои досега најдолго време биле најгледани во непрекинат период:
1. Ginny & Georgia - 28 дена
2. Tiger King - 27 дена
3. The Queen’s Gambit - 22 дена
4. Ratched - 15 дена
5. The Umbrella Academy - 15 дена
6. 13 Reasons Why - 14 дена
7. Away - 12 дена
8. Unsolved Mysteries - 12 дена
9. Floor is Lava - 12 дена
10. The Crown - 11 дена
11. The Haunting of Bly Manor – 11 дена
12. Dead to Me - 10 дена.
Овој успех е уште поголем кога ќе се земе предвид дека кога почна да се емитува на Netlix, „Ginny & Georgia“ не беше една од „извиканите“ серии на популарната стриминг платформа. Во првите денови откако беше пуштена, серијата беше четврта на топ 10 топ листата и се претпоставуваше дека за серија од 10 продолженија тоа ќе биде максимумот.
Серијата ја следи приказната за Џорџија Милер и нејзината ќерка Џини. Автор на серијата е Сара Ламперт, а главните улоги ги толкуваат Бријана Хауи, Антонија Џентри, Дизел Ла Торака, Џенифер Робертсон и Феликс Малард.
Приказната предизвика поделени реакции - додека некои беа воодушевени, други ја нарекуваа „ѓубре од ТВ-сапуница“.