Московскиот хокеарски клуб Спартак стана цел на жестока онлајн дебата откако објави фотка од девојка која стои на гол во провокативна облека и напомена дека таа е новиот голман на тимот.
Новодојденката во тимот на сликата стои свртена со грбот кон камерата, облечена е во тесно, црвено боди кое јасно се гледа под проѕирниот „дрес“.
„Испробувавме нов голман кој има перфектна реакција. Што мислите? Воедно, испративме и барање во ИИХФ да се направи голот помал“, објави Спартак на својот официјален Twitter профил.
Девојката, која ги носи традиционалните бои на Спартак, носи чорапи наместо хокеарски штитници, а нејзиниот полугол задник стана причина за жестока дебата на социјалните мрежи.
Додека некои навивачи на московскиот великан уживаат во шегата и го фалат медиумскиот тим на клубот за неговата смислам за хумор, други сугерираат дека ја минале црвената линија со ваквата фотка.
„Се плашам дека ќе прима многу голови“, напиша еден загрижен навивач.
„Може ли да ги погледнеме сите кандидати за оваа позиција“, додаде друг.
„Па, да, мислам дека оваа игра многу подобро од голманот на Спартак“, напиша трет.
„Треба да бидете внимателни со вакви објави. На фенимистките нема да им се допадне, ќе ве обвинат за сексизам“, напиша еден пореален навивач.
„Ова е премногу, воопшто не е во ред“, друг потврди дека не на сите им се допаѓа глетката.
„Да бевте во САД, веднаш ќе добиевте тужба за вакви шеги“, предупреди некој.
По 51 натпревар во руската КХЛ, тимот на Спартак е на 9. место во Западната конференција и сѐ уште нема обезбедено пласман во плеј-офот. Одбраната на тимот не фунскционира сезонава, има примено дури 148 голови, а саботниот пораз од високи 5:0 дома од СКА само го потврдија тоа, па оттаму и шегата за новиот голман.