Покрај новиот трејлер за „Ragnarök“, компанијата Sony претстави и контролер инспириран од самата игрица.
На својот State of Play настан јапонската компанија со седиште во Токио го претстави новиот трејлер за игрицата „God of War: Ragnarök“, кој прикажува каква приказна и акција можеме да очекуваме.
Гледајќи го трејлерот, станува јасно дека односот помеѓу Кратос и неговиот син Атреус повторно е важен елемент во приказната. Атреус јасно става дознаење дека има тајна која не сака да ја открие, а и покрај тоа Картос продолжува да го следи. Исто така имаме прилика да видиме какви борби нѐ очекуваат, како и тоа кои се некои од најважните противници.
„God of War: Ragnarök“ е продолжение на популарната игрица од 2018 година. За PS5 и PS4 ќе излезе на 9 ноември. Засега, нажалост, не е познато кога ќе излезе и за компјутери, но се надеваме дека ќе ја почекаме пократко отколку претходната игрица.
Sony исто така најави дека на денот на премиерата гејмерите ќе можат да купат и ограничена серија DualSense контролер за PlayStation 5. Дизајнот на новиот кионтролер е инспириран од „God of War“ игрицата и на себе носи обележја на мечка и волк, кои ги претставуваат Кратос и Атреус.
„Ragnarök“ е четвртото продолжение во серијата од втората ера на игрицата, односно нордиската митологија. Првиот дел беше „God of War: A Call from the Wilds“, вториот „God of War: Mimir's Vision“, а третиот „God of War“. Првата ера беше за хеленската митологија и од 2005 до 2013 излегоа вкупно 7 игрици и тоа: „God of War“, „God of War II“, „God of War: Betrayal“, „God of War: Chains of Olympus“, „God of War III“, „God of War: Ghost of Sparta“ и „God of War: Ascension“.
