Барселона следната сезона ќе слави 125-годишнина, а во чест на тоа Каталонците подготвија специјални дресови во кои ќе играат.
Навивачите на Барселона се крајно емотивни за дресовите кои каталонските фудбалери ги носеа во сезоната 1998/1999 година во која ја прославија стогодишнината од формирањето на клубот.
Стануваше збор за дресови на кои наместо вообичаените црвено-сини риги, дрес беше „поделен“ на црвен и син дел и во тој дрес стигнаа до 16. шампионска титула на Шпанија.
Челниците на каталонскиот клуб, ако им се верува на веб-страницата Footy Headlines, која се занимава со изгледот на дресовите, решиле да го рекреираат тој дрес, секако со мали измени.
Но, она што ги шокираше навивачите на Барселона е изгледот на третиот дрес за следната сезона.
Имено, третиот дрес ќе биде во светлозелено-бела варијанта, што е навистина необична боја за каталонскиот клуб.
Единствениот црвено-син детал на дресот ќе биде логото на Nike кое ќе биде поставено исправено, нешто што досега не е видено никаде во светот.
