Најновата студија открива како крвната група може да игра одредена улога во тоа колку тежок облик на болеста ќе развие личноста заразена со новиот коронавирус.
Исто така, утврдено е дека луѓето со дијабетес и апнеа (кратко периодично престанување на дишењето во текот на спиењето) се во групата со зголемен ризик од хоспитализација.
Ова се најновите податоци од новата студија на Универзитетот Варвик, а до откритието е дојдено по систематски извештаи на други студии кои го пријавиле исходот од коронавирусот кај пациенти на кои исто така им е дијагностицирана опструктивна апнеа во сон.
Резултатите се објавени во научното списание Sleep Medicine Reviews.
Едно од истражувањата покажало дека кај пациентите кои имаат дијабетес и кои се хоспитализирани поради коронавирусот, како и оние кои примаат терапија за опструктивна апнеа во сон, се изложени на ризик зголемен за 2,8 пати.
Проблемот е во тоа што дури 85% од случаите на опструктивна апнеа во сон се всушност неоткриени, односно без дијагноза. Без јасни податоци за тоа е тешко точно да се одреди колку луѓе со тоа нарушување може да заболат од тежок облик на COVID-19.
Втората група истражувачи откри дека крвната група има влијание на ризикот од зараза. Генетската компанија 23andMe тврди дека крвната група е поврзана со ризик од коронавирус, иако не е јасно колку и дали постојат начини на кои лекарите би дејствувале на тоа.
Научниците од таа компанија ја анализирале ДНК-та на повеќе од милиони луѓе. Повеќе од 15.000 имале позитивен тест на коронавирусот, а 1.131 пациент бил хоспитализиран. Сите собрани податоци ги поткрепуваат доказите за улогата на крвната група во генетиката на домаќинот на коронавирусот.
Голем ризик е дебелината.
„Нашите податоци ја поддржуваат улогата на чувствителност на инфекцијата, сугерирајќи дека крвната група 0 е заштитна, за разлика од останатите“, стои во извештајот. Нулта групата е универзален донатор и тоа е дефинитивно добро во оваа ситуација. Но, тоа не значи дека луѓето со 0 група не треба да обрнуваат внимание туку сепак да внимаваат. COVID-19 исто така може да предизвика фатално згрутчување на крвта, а различните крвни групи имаат различно ниво на ризик од згрутчување. АБ има најголема веројатност за згрутчување, 0 има најниско додека А и Б се помеѓу. 0 групата има најмалку шанси за згрутчување и тоа ја прави поуспешна во борбата со вирусот, за разлика од останатите крвни групи.
Покрај крвната група, далеку поголем ризик е дебелината, која повеќе од двојно ја зголемува шансата за хоспитализација.
