Значењето на армиите на НАТО и САД во Источна Европа расте со оглед на зголемената закана од наводна руска инвазија на Украина. Руската армија од почетокот на годинава сè повеќе ги позиционира своите војници долж украинската граница, а еве како се распоредени западните сили.
НАТО има четири мултинационални борбени групи во Естонија, Латвија, Литванија и Полска, составени од војници од неколку земји-членки. Овие баталјони, на ротирачка основа, ги предводат Обединетото Кралство, Канада, Германија или САД.
Алијансата минатиот месец соопшти дека сите четири групи се подготвени за борба, а шефот на НАТО Јенс Столтенберг рече дека се подготвени да го зголемат своето присуство со испраќање дополнителни сили во источниот регион.
САД имаат бази во Литванија и Романија, како и во Полска. Претседателот Џо Бајден минатата недела го одобри распоредувањето на дополнителни 3.000 американски војници во Полска, Германија и Романија, плус 8.500 други членови на подготвеност.
Двете армии објавија мапа со распоредувањето на нивните сили во Источна Европа.
НАТО нема војници во Украина, ниту најави распоредување, но нивното присуство се рефлектира на други нивоа. Иако Украина не е членка на Алијансата, тие на оваа земја ѝ даваат стратешки совети и со тоа ѝ помагаат во оваа криза.
Инаку, Русија и Белорусија денеска почнаа десетдневни заеднички воени вежби, а објавена е и карта на нивните сили.
Тензиите меѓу Украина и Русија се интензивираа во последните месеци, по неколкугодишното „примирје“, односно договор дека армиите нема да се судрат.
