HBO Max ги објави првите фотографии од снимањето на новите десет епизоди, а фотографиите ги споделија и главните актерки.
Во новите епизоди, девојките се во нивните 50-ти години, а на фотографиите се гледа дека Кери и Миранда имаат седа коса.
HBO уште не објави кога ќе излезе првата епизода од новата серија, а на Twitter обожавателите коментираат дека ќе им недостасува Саманта.
Во јануари беше најавено дека Кристин Дејвис, Сара Џесика Паркер и Синтија Никсон ќе се вратат во улогите на Шарлот, Кери и Миранда во обновената верзија на „Sex and the City“ на HBO Max.
Долго време кружеа гласини дека се размислува за „оживување“ на популарната серија од крајот на 90-тите и почетокот на 2000-тите, а обновената серија ќе се вика „And Just Like That…“ (сигурно ја препознавате познатата реплика на Кери Бредшо). Извршни продуценти ќе бидат Паркер, Дејвис, Никсон и Мајкл Патрик Кинг.
Веднаш беше познато дека Ким Катрал, која беше дел од оригиналната актерска екипа и ја играше Саманта Џонс, нема да биде дел од новата серија.
Приказната во „Sex and the City“, што почна да се емитува во 1998 година, се вртеше околу секс-колумнистката Кери Бредшо (Паркер) и нејзините пријателки Миранда Хобс (Никсон), Шарлот Јорк (Дејвис) и Саманта Џонс (Катрал), нивните врски и љубов кон модата во Њујорк. Серијата се емитуваше шест сезони, освои седум Еми награди и осум Златни глобуси.
Читајте наредно: Ни секс, ни град: Новите епизоди на „Sex and the City“ ќе бидат бескрајно здодевни
