По бројни компликации и турбуленции, славниот шпански тенисер Рафаел Надал и неговата сопруга Марија станаа родители, а сега се појавија и првите фотографии од бебето Рафаел Надал Јуниор.
Надал пропушти мечеви за да биде покрај сопругата, која мина низ компликации во бременоста. За среќа, сè заврши на најдобриот можен начин, а Рафаел Надал Јуниор им донесе огромна среќа на родителите, кои сега му се целосно нему посветени.
Шпанските медиуми ги објавија првите фотографии од среќните родители и нивниот син. На две фотографии се гледа бебето во прегратка на неговиот татко, па и во рацете на мајка си.
Рафаел Јуниор се роди на 8 октомври во клиника во Мајорка, а тенисерот апелираше на приватност во текот на бременоста на сопругата, но и откако се роди детето.
Многумина не знаат еден факт, тенисерот ја прекрши традицијата на Мајорка во текот на именувањето на детето. Вообичаено е на машките деца да им се дава името на дедото, а на женските од бабата.
Според таа традиција, детето требаше да се вика Себастијан, но тенисерот одлучи на наследникот да му даде име идентично како неговото.
