Звучи бизарно, но тешките времиња во автомобилската индустрија бараат одење во продавница за бела техника.
Автомобилската индустрија е во големи проблеми речиси една година поради недостиг на чипови. Иако голем дел од производството е пренасочено кон исплатливи SUV модели, а профитот е ист, ако не и поголем (сите ги покачија цените на новите возила), долгорочните последици ќе се почувствуваат. Помалата продажба значи и тежок опстанок за овластените сервиси во иднина, кои ќе работат со многу помалку возила.
До каде е кризата се гледа и по следната вест. Да се појавеше информацијата околу 1 април, ќе се сомневавме во нејзината автентичност, но таа доаѓа од сериозна фирма, а изворот е директорот.
ASML е најголемата компанија за производство на литографски машини за правење чипови, а нејзиниот лидер Питер Венинк тврди дека ситуацијата е толку драматична што некои производители купуваат машини за перење и им отстрануваат чиповите и ги вградуваат во своите производи.
Венинк не сакаше да именува за кои компании станува збор, но нема сомнеж дека меѓу нив има и автопроизводители, бидејќи тие сепак ја прават најскапата роба и им се исплати да се купи машини за перење.
