Од денеска отворен за посетители е Археолошкиот музеј на Македонија во главниот град, со тоа што посетителите треба да се придржуваат до наведените заштитни мерки.
Носењето маска е задолжително во текот на целата посета, а задолжително е и дезинфицирање на рацете пред влегување во музејот. За тоа е поставен бесконтактен апарат за дезинфекција на раце.
Исто така, мора да се одржува дистанца од 1,5 до 2 метра пред билетарата, како и во поставката. Се препорачува бесконтактно плаќање со картичка. Забрането е допирање на изложените експонати.
„Голема благодарност до амбасадорот на Руската Федерација, Н.Е. Сергеј Баздникин и тимот на амбасадата на Руската Федерација во Северна Македонија, кои ја покажаа својата општествена одговорност со донирање на бесконтактен апарат за дезинфекција на раце, поставен на самиот влез на музејот, со кој на посетителите им се овозможува уште побезбедна посета во нашата постојана поставка“, велат од НУ Археолошки музеј.
