Шпанските обвинители не можат да ги докажат своите тврдења дека Барселона му плаќала на поранешниот потпретседател на Техничкиот комитет на судии, Хозе Марио Енрикес Негреиро, за на тој начин да влијае на резултатите од натпреварите, пишуваат локалните медиуми.
Барселона првично се чинеше дека е фатена во корупциски скандал, откако беше откриено дека меѓу 2001 и 2018 година му плаќала на поранешниот потпретседател на Техничкиот комитет на судии Хозе Марија Енрикес Негреиро.
Се наведува дека, иако нема докази за незаконско плаќање и забрането влијание врз судиите, Барселона сепак може да биде казнета за користење „незаконски услуги“ и затоа истрагата сè уште е во тек, но секако во многу помал обем и со многу помала опасност за клубот.
Обвинителите не успеаја да најдат докази дека Барселона му платила на Негреиро во контекст на плаќање на судиите за „подобро судење“, иако на крајот останува нејасно зошто извршиле некакви уплати, што не е спорно во овој случај.
Од друга страна, Барселона се бранеше дека платила за услуги за снимање на судиските одлуки, односно за на најдобар можен начин да го подготви тимот за карактерот на судијата. Истрагата, според шпанските медиуми, сè уште е во тек.
„Едвај чекам да се соочам со сите никаквеци кои ни го валкаат образот. Барса е клуб со вредности. Го користиме зборот вредности не за да изгледаме добро, туку затоа што вредностите се навистина основен дел од нашиот модел за спортска извонредност. И затоа Барса е почитувана и препознаена во целиот свет“, изјави претходно Лапорта.
Каталонците моментално имаат огромни 12 бода предност на врвот на табелата во однос на Реал Мадрид, а во следното коло гостуваат кај Елче со епитетот големи фаворити.