Редовно го чистите и средувате вашиот дом, но не можете да се справите со пајаците кои секогаш наоѓаат место да ја исткаат својата мрежа. Сепак, постои природен начин да се ослободите од овие инсекти.
Многу инсекти, како и пајаци не можат да толерираат одредени растенија, како нане. Нането со својот интензивен мирис ќе ги избрка пајаците од вашиот дом, а нема да ви прави проблем бидејќи луѓето генерално го сакаат мирисот на нане.
Со садење нане во мали саксии и стратешко поставување во агли каде што пајаците вообичаено ги плетат своите мрежи, ќе ги избркате пајаците од вашиот дом засекогаш.
Ако не ви се допаѓаат растенијата во куќата, тогаш откако ќе ја исчистите куќата, попрскајте ги просториите со освежувач на воздух со мирис на нане или направете свој природен спреј за да се ослободите од пајаците. Можете да направите природен препарат кој многу лесно ќе ги одврати пајаците и другите инсекти.
Сè што ви треба е чаша вода, половина шолја алкохолен оцет и 20 капки есенцијално масло од нане/пеперминт. Состојките ставете ги во шише со распрскувач така што прво ќе ги измешате водата и алкохолниот оцет, а потоа додадете го етеричното масло. Добро протресете ја смесата. Испрскајте го готовиот препарат на деловите од куќата кои се најчести мети за пајаците и другите инсекти.
Исто така, многу важна информација е дека овој природен спреј нема да ги убие инсектите, туку ќе ги оддалечи од вашата куќа. Прскањето треба да се прави периодично за да се спречи враќањето на пајаците и другите инсекти.